#Кыскача яңалыклар 25 май 2026, 13:59

Татарстанда махсус хәрби операция ветераннарын эшкә алмаган эш бирүчеләрне штрафларга мөмкиннәр

25 май 2026, 13:59

Татарстанда махсус хәрби операциядә катнашучыларны эшкә урнаштыру буенча квотаны үтәмәгән эш бирүчеләр өчен административ җаваплылык кертергә җыеналар.

Скопировать ссылку

Тиешле канун проекты хәзер коррупциягә каршы экспертиза үтә.
Әгәр документ кабул ителсә, Татарстан Хезмәт министрлыгы тәкъдим иткән үзгәрешләр нигезендә, административ хокук бозулар турында Татарстан Кодексына яңа маддә өстәләчәк.

Яңа кагыйдәләр буенча, махсус хәрби операция ветераннарын эшкә алу өчен билгеләнгән квотаны үтәмәгән эш бирүчеләргә штраф яный:
вазыйфаи затларга – 20 меңнән 30 мең сумга кадәр; шәхси эшмәкәрләргә – 30 меңнән 50 мең сумга кадәр; юридик затларга – 50 меңнән 100 мең сумга кадәр.

Шул ук вакытта кайбер очракларда эш бирүчеләр җаваплылыктан азат ителәчәк. Әйтик, сүз банкротлык, штат кыскарту, мәшгульлек хезмәтендә туры килә торган кандидатлар булмау яки хезмәткәрләр саны кимү турында барса, штраф салынмаячак.

Кызыклы яңалыкларны күзәтеп бару өчен безнең МАХ каналына кушылыгыз.