Татарстанда студентлар өчен стипендияләр арттырылачак

Тиешле карар Татарстан Республикасы Хөкүмәте тарафыннан имзаланган һәм хокукый мәгълүматның рәсми порталында бастырылган.

Бакалавриат, специалитет һәм магистратура программалары студентлары 2,2 мең сум күләмендә стипендия алачак. Дәүләт фәнни-тикшеренү учреждениеләре аспирантлары 8,3 мең сум алачак.

Карар түләүләрне этаплап арттыруны күздә тота. 2026 елның сентябреннән бакалаврлар, белгечләр һәм магистрлар өчен стипендияләр күләме 2 263 сум тәшкил итәчәк, ә 2028 елга 2 546 сумга җитәчәк. Аспирантлар, ординаторлар һәм ассистент-стажерлар 2028 елга 3 480 сум алачак.

Урта һөнәри белем бирүче укучылар өчен дифференциацияле якын килү саклана: урта звено белгечләр әзерләү программалары студентлары – 824 сум, ә квалификацияле эшчеләр әзерләү программалары буенча укучылар 590 сум алачак.