Татарстанда «туган тел» һәм «туган әдәбият» предметлары атамасы үзгәрешсез калачак

-    Без кичә генә боерык алдык, ул 18 июльдә имзаланган, Юстиция министрлыгында теркәлү узган. Анда “туган тел”, “туган әдәбият” атамалары сакланган. Әлеге предметлар “Россия халкы теле” итеп  үзгәртелер дип борчылырга кирәкми, бернәрсә дә үзгәрмәячәк, - дип ассызыклады ул. 

Башлангыч сыйныфларда туган тел һәм әдәбият дәресләре санына килгәндә, кыскартуларны булдырмаска тырышачаклар. Министр аңлатып киткәнчә, уку-укыту планының биш варианты бар. 

-    Беренче һәм икенче вариантларда туган тел юк. Әмма бездә андый вариантлар кулланылмый. Республикада без уку-укыту планының өченче, дүртенче һәм бишенче вариантларын сайлыйбыз. Өченче һәм дүртенче вариантта туган телгә һәм әдәбиятка ике сәгать каралган. Бишенче вариантта - өч сәгать, ул милли мәктәпләр өчен. Булган сәгатьләрне сакларга тырышачакбыз, - дип ассызыклады Илсур Һадиуллин.