Татарстанда урманнар янында 300гә якын янгын теркәлгән

Быел Татарстанда янгын куркынычы сезоны язның иртә килүе сәбәпле 15 көнгә иртәрәк башланды. Бүгенге көнгә 424 термик нокта һәм 335 яну очрагы теркәлгән. Бу хакта республиканың урман хуҗалыгы министрының беренче урынбасары Илгизәр Зарипов хәбәр итте.

Янгынның гомуми мәйданы-ун гектардан артык. Ләкин ут урманнарга барып җитмәгән, анда янгыннар теркәлмәгән. Гәрчә алдагы ел белән чагыштырганда термик нокталар өч тапкырга күбрәк булып чыккан.

Өстәвенә, быел һава торышы тотрыклы түгел: эсселек һәм явым-төшем чиратлаша, дип билгеләп үтте Зарипов.

Явып үткән яңгырлар куркыныч классын беренчегә кадәр киметергә ярдәм иткән. Әмма моңа да карамастан, хәлне күзәтү дәвам итә. Урман янгыннары формированиеләрендә 446 кеше исәпләнә, 323 берәмлек төрле техника җиһазландырылган.