Татарстанда уртача хезмәт хакы 80,2 мең сумга кадәр арткан

Шуннан чыгып ул 80,2 мең сум тәшкил иткән. Бу хакта «Татар-информ» га эш бирүчеләр вакансияләре туплаган сайт директоры Альбина Солтанова хәбәр итә.

«Ел башыннан иң күп хезмәт хаклары эш бирүчеләр вакансияләрендә "финанс, бухгалтерия" – 22% ка (80 мең сумга кадәр), "төзелеш, күчемсез милек" – 21% ка (113,7 мең сумга кадәр), "эшче персонал" – 20% ка (105,4 мең сумга кадәр), "чимал чыгару" – 17% ка (100,8 мең сумга кадәр), "җитештерү, сервис хезмәте күрсәтү" – 17% ка (104,4 мең сумга кадәр) артты», – дип хәбәр иткән ул.

Солтанова мәгълүматлары буенча, хезмәт хакы тәкъдимнәрендә ел башы белән чагыштырганда кимүләр күзәтелми. «Стратегия, инвестицияләр, консалтинг» өлкәләрендә тәкъдим ителә торган хезмәт хакы үзгәрмәгән диярлек – 1% ка үсеш (115,2 мең сумга кадәр), шулай ук «ваклап сату» да – 4% ка үсеш (52,6 мең сумга кадәр) тәшкил иткән.