Татарстанга көчле җил һәм яшен килә: кайчан һәм нәрсәдән сакланырга?

6 май кичендә, төнлә һәм 7 май көндез Татарстан территориясендә урыны белән секундына 15 метрга кадәр көчле җил көтелә. Шулай ук яшенле яңгыр ихтимал. Казан да начар һава торышы 6 май кичендә үк башланырга мөмкин.

Россия гадәттән тыш хәлләр министрлыгының республика буенча Баш идарәсе саклык чараларын искә төшерә:

• реклама щитларыннан, юл билгеләреннән һәм электр линияләреннән ераграк торыгыз

• машиналарны андый урыннар янында калдырмагыз

• көчле җил вакытында йорт стеналары янына сыенмагыз — түбә материаллары төшәргә мөмкин

• ишегалдыгыздагы корылмаларның ныклыгын тикшерегез

• мөмкин булса, өйдә калыгыз, тәрәзәләрне ябыгыз

• балконнардан һәм лоджияләрдән очып китәргә мөмкин булган әйберләрне алып куегыз

• балаларны караучысыз калдырмагыз

Белгечләр искәртә: һава торышы кинәт үзгәргәндә сак булу аеруча мөһим.

Сезнең иминлек — үз кулыгызда.