Татарстанлыларга киңәш: салкын суны ничек экономияләргә? Гадәти булмаган ысул аталды

Белгечләр салкын суны экономияләүнең гади, әмма нәтиҗәле ысулларын кулланырга киңәш итә.

ТКХ өлкәсендәге эксперт Дмитрий Бондарь сүзләренчә, яшелчә һәм җиләк-җимешләрне агып торган су астында түгел, ә савытка алып юу су чыгымын сизелерлек киметә. Моннан тыш, кулланылган суны әрәм итмичә, өйдәге үсемлекләргә, чәчәкләргә сибү өчен дә файдаланырга мөмкин.

Белгеч шулай ук продуктларны эреткәндә дә су кулланмаска киңәш итә. Аның урынына ризыкларны алдан суыткычтан алып куеп, табигый рәвештә эретү күпкә нәтиҗәлерәк.

Татарстанда тарифлар әкренләп үсүен исәпкә алганда, мондый гади алымнар гаилә бюджеты өчен сизелерлек экономия бирергә мөмкин, дип билгелиләр белгечләр.

Экспертлар фикеренчә, көндәлек гадәтләрне бераз үзгәртү генә дә су куллануны киметергә һәм коммуналь түләүләрне азайтырга ярдәм итә.

Билгеле булганча, Татарстанда «Азык-төлек иминлеген технологик тәэмин итү» илкүләм проекты гамәлгә ашырыла.