Татарстанның бер авылында шәхси йортта дүрт кешенең гәүдәсе табылган, шуларның икесе бала

"Волжская, Новь" журналисты Диана Салихҗанова хәбәр итүенчә, күршеләрен һәлак булган гаилә белән элемтә булмау сагайткан. Аларның берсе йортка кереп карарга булган, һәм, хушларын җуйган кешеләрне табып, кичекмәстән ашыгыч ярдәм һәм полиция чакырткан.

Һәлакәт урынында хәзер булган хәлнең төгәл сәбәпләрен һәм барлык шартларын ачыклау өчен тикшерүчеләр эшли. 
Коточкыч хәлне район башлыгы Евгений Варакин да шәрехләгән  
"Югары Осланның Заовражная урамында бүген коточкыч фаҗига булды-йортларның берсендә дүрт кеше һәлак булды, алар арасында ике бала. Беренчел версия буенча, сәбәп — сөрем газы белән агулану.
Һәлак булганнарның туганнары һәм якыннарының чын күңелдән кайгысын уртаклашам.
Зинһар, газ һәм мич җиһазларын кулланганда куркынычсызлык кагыйдәләрен үтәгез! Игътибарлы булыгыз! Теләсә нинди җитешсезлекләр булганда шунда ук белгечләр чакырыгыз. Үзегезне һәм якыннарыгызны саклагыз!",- дип язган Евгений Анатольевич үзенең телеграм-каналында.