16+

Татарстанның бер районында иртәнге авария: өч машина бәрелешкән, 15 яшьлек яшүсмер зыян күргән

13 февраль көнне сәгать 7:19 тирәсендә Әлмәт — Лениногорск автоюлында җитди юл-транспорт һәлакәте теркәлгән.

13 февраль көнне сәгать 7:19 тирәсендә Әлмәт — Лениногорск автоюлында җитди юл-транспорт һәлакәте теркәлгән.

Фаҗига Татарстанның Лениногорск районында, Зәй-Каратай һәм Новочершилинск авыллары янында булган.
Татарстан прокуратурасы хәбәр итүенчә, Opel автомобиле каршы як хәрәкәт полосасына чыккан һәм Haval белән бәрелешкән. Шуннан соң бәрелешкә тагын бер машина — Toyota да килеп кушылган.

Юл-транспорт һәлакәтендә барлыгы дүрт кеше зыян күргән, алар арасында 15 яшьлек яшүсмер дә бар. Зыян күрүчеләргә ашыгыч ярдәм бригадалары медицина ярдәме күрсәткән.
Вакыйга урынына Лениногорск шәһәре прокуроры Марсель Гыймаев килгән. Хәзерге вакытта һәлакәтнең сәбәпләре ачыклана. Әлеге факт буенча үткәрелә торган процессуаль тикшерү шәһәр прокуратурасы контролендә.

Кышкы юл шартлары, иртәнге томан яки бозлавык — барысы да хәвеф дәрәҗәсен арттыра. Мондый очраклар тагын бер кат искәртә:

* тизлек режимын саклау,
* дистанция тоту,
* каршы як полосага чыкмаска тырышу — гомерләрне саклап кала ала.

Юлларда сак булыйк — бер мизгеллек ашыгу кайчак бик кыйммәткә төшә.

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading