#Кыскача яңалыклар 12 гыйнвар 2026, 09:38

Татарстанның шәхси ярдәмче хуҗалыклары 10 ел эчендә 5 млрд сумлык дәүләт ярдәме алган

12 гыйнвар 2026, 09:38

Ун ел эчендә Татарстан бюджетыннан шәхси ярдәмче хуҗалыкларга ярдәмгә 5 млрд сумга якын акча җибәрелгән.

Скопировать ссылку

Ун ел эчендә Татарстан бюджетыннан шәхси ярдәмче хуҗалыкларга ярдәмгә 5 млрд сумга якын акча җибәрелгән.

Бу хакта «Татар-информ» га Татарстанның Авыл хуҗалыгы һәм азык-төлек министрлыгы матбугат хезмәтендә хәбәр иткәннәр.

«Иң күп акча савым сыерларын тотуга – 3 млрд сумнан артык – һәм сөтчелек юнәлешендәге мини-фермалар төзүгә – 700 млн сумнан артык бүлеп бирелде. Татарстанда республика бюджетыннан шәхси ярдәмче хуҗалыкларга ил күләмендә моңарчы күрелмәгән ярдәм күрсәтелә», - дип билгеләделәр министрлыкта.

Узган ел шәхси ярдәмче хуҗалыкларга биш юнәлеш буенча 612 млн сум күләмендә дәүләт ярдәме бирелгән. Аерым алганда, сөтчелек юнәлешендә мини-фермалар төзүгә 70 млн сум бүлеп бирелгән; товар һәм нәселле таналар һәм беренче бозаулар сатып алу – 16 млн сум; сыер һәм кәҗәләр асрау – 419,6 млн сум; өч яшьтән зуррак бияләр асрау – 26 млн сум; яшь кош-корт сатып алу-80 млн сум.

Кызыклы яңалыкларны күзәтеп бару өчен безнең МАХ каналына кушылыгыз.