Теләчедә Бөек Җиңүнең 80 еллыгына багышланган бик матур чара узды

Бу көннәрдә әлеге чараның гала концертлары уза. Моннан тыш һәрберсе Бөек Җиңүгә багышланган күргәзмә тәкьдим итте.  
Әлеге күркәм чарада Теләче районы җитәкчеләре дә катнашты.  Россия Дәүләт Думасы депутаты Рөстәм Кәлимуллин,  Татарстан Дәүләт Советы депутаты Нәҗип Хаҗипов җиңүчеләрне бүләкләделәр. Бүген Теләче башлыгы Айрат Фәтхуллин залда махсус хәрби операция зонасыннан вакытлыча ялга кайткан егетләр барлыгын да әйтеп узды.  Аларга илебез иминлеген саклаулары өчен рәхмәт белдереп,  Теләче районы алдында казанышлары өчен медальләр тапшырды.  
Бөек Җиңүгә багышланган әлеге концертта бик матур хәрби тематикага бәйле җырлар,  биюләр карап хозурландык.  Районда бик талантлы егет-кызларның сәхнәдә ут уйнауларын күреп сокландык.
Шулай итеп,  ел буе барган бәйгенең район оешма-предприятияләр арасында җиңүчеләре билгеле.  Беренче урында - хакимияттә эшләүче егет-кызлар булды.   Икенче урын - мәгариф өлкәсендә эшләүчеләр. Өченче урынны медицина хезмәткәрләре яулады.  Алдагы атнада шундый ук көрәшнең гала концерты авыл җирлекләре арасында узачак.

Билгеле булганча, Татарстан Рәисе Рөстәм Миңнеханов Бөек Җиңүнең 80 еллыгын лаеклы рәвештә уздырырга боерган иде.