Түбәдән кар һәм боз төшү куркынычы: ничек сакланырга?

Кызганычка каршы, ел саен мондый хәлләр җәрәхәтләргә, хәтта үлем очракларына китерә.

2026 елның гыйнварыннан башлап, Татарстанда производствода түбә чистарту вакытында инде 3 хезмәткәр зыян күргән: икесе — авыр, бер очрак үлем белән тәмамланган.

Белгечләр ассызыклаганча, мондый фаҗигаләрне булдырмауның иң нәтиҗәле юлы — карны вакытында чистарту һәм куркынычсызлык кагыйдәләрен төгәл үтәү.

🔻 Төп куркынычсызлык чаралары:
• Кар төшү ихтималы булган урыннарны алдан ук чикләү (сигнал тасмасы, рәшәткәләр, кызыл флаглар)
• Кешеләрне кисәтү өчен дежур торучылар кую (жилет, каска, сыбызгы белән)
• Түбә авышлыгы ягындагы ишекләрне ябу яки саклау
• Боз сөякләрен махсус җайланма (ыргак) белән генә төшерү
• Түбәдән асылынып эшләү тыела
• Карны агач көрәкләр белән чистарту, бер урынга артык күп өем ясамаска
• Электр чыбыкларына кар ташламау

❗ Биеклектә эшләүче хезмәткәрләр тиешле әзерлек үтәргә, җиһазларның төзеклеген тикшерергә һәм шәхси саклану чараларын дөрес кулланырга тиеш.

Куркынычсызлык — һәркемнең уртак җаваплылыгы. Үзегезне һәм тирә-яктагыларны саклагыз!

Татарстан Дәүләт хезмәт инспекциясе

җитәкчесе урынбасары Алсу Зәйнетдинова