Түбән Камада җыештыручыга һөҗүм иткән яшүсмерне 3 елга махсус мәктәпкә җибәргәннәр

Яшүсмер ябык типтагы махсус уку йортына өч елга урнаштырылган.

Татарстан буенча Эчке эшләр министрлыгы вәкиле Роман Мөхәммәтҗанов белдергәнчә, җыештыручыга пычак белән һөҗүм иткән яшүсмер өч елга ябык типтагы махсус уку йортына урнаштырылган.

Аның сүзләренчә, мондый очракларда тоткарланучылар еш кына үзләре дә басым һәм мыскыллаулар корбаны була. Яшүсмерләр яшьтәшләре тарафыннан рәнҗетелү, шулай ук гаиләдәге проблемалар турында сөйли. Әмма күпчелеге бу хәлләр турында беркемгә дә җиткерми.

Белгечләр фикеренчә, ярдәм таба алмаган балалар интернетта куркыныч контентка юлыга һәм шунда фикердәшләр таба.