Тупланма пенсия күләме ничек исәпләнә?

Дәүләт Думасы депутаты, Дәүләт Думасының кече һәм урта эшмәкәрлек комитеты әгъзасы Алексей Говырин RT белән әңгәмәдә сөйләгәнчә, тупланма пенсия-кешенең шәхси счетында туплана торган конкрет сумма.

Бу система илдә 2002 елдан 2014 елга кадәр эшләде. Эш белән тәэмин итүчеләр хезмәткәрләрнең хезмәт хакының 22 процентын Россия Пенсия фондына (хәзерге Социаль фондка) күчерделәр, һәм аннары алар 2 өлешкә бүленделәр: 16 проценты иминият взносы буларак исәпләнде, 6 процент – тупланма акча кебек.

2014 елда пенсиянең тупланма өлешен формалаштыру туктатылды (2022 елда мораторий 2025 ел ахырына кадәр бу эшне озайтты) һәм эш бирүчеләрнең барлык кертемнәре иминият пенсиясен формалаштыруга юнәлдерелде.
Тупланма өлешендә җыелган акчалар хәзерге пенсионерларга иминият өлешендәге кебек түләүләргә тотылмый, ә киләчәктә хуҗасына даими түләүләр рәвешендә кайту өчен саклана һәм инвестицияләнә.
Әлеге пенсиягә 1967 елда туган һәм аннан яшьрәк гражданнар исәп тота ала, әмма эш бирүче 2014 елга кадәр тупланма өлешкә взнослар күчергән булырга тиеш. Счетта тупланган барлык сумма түләүнең фаразланган дәвамлылыгының айлар санына бүленә.
Бу дәүләт тарафыннан раслана-2025 елга ул 270 ай тәшкил итә. Ягъни әгәр кешенең пенсиягә чыгу вакытына 540 000 сум җыелса, айлык өстәмә ике мең тәшкил итәчәк. Әгәр тупланмалар аз булса һәм исәпләнгән өстәмә пенсионерның яшәү минимумының ун процентыннан кимрәк булса, бөтен сумма бер тапкыр бирелергә мөмкин.
Акчалар йә дәүләт тарафыннан, йә кеше сайлаган дәүләтнеке булмаган пенсия фонды тарафыннан идарә ителә.
Әгәр кеше пенсия билгеләгәнче үлгән яки билгеләнгән вакытта түләүләр алган булса, бу акчаларны мирас итеп алырга мөмкин. Булачак түләүләрнең күләме тупланма дисциплинасына, инвестиция кеременә һәм кешенең пенсиягә кадәр күпме эшләвенә бәйле.