«Уйланылмаган»: пассажир тулы автобуска утлы коралдан аткан яшүсмерне хөкем каршына баскан

Карарны шәһәр суды сайтында бастырганнар.

Бу хәл Татарстан һәм Шамил Усманов урамнары киселешендә урнашкан «Антарес» сәүдә үзәгеннән ерак түгел килеп чыккан. Хокук саклаучылар аның турында социаль челтәрләрне күзәтү барышында ачыклаган. Автобус пассажирлары хәрәкәт вакытында атуга охшаш тавыш ишеткәннәр, шуннан соң транспорт чарасының пыяласында ярыклар барлыкка килгән. Салонда булганнарның берсе дә зыян күрмәгән. Һөҗүм итүчене соңрак тоткарлаганнар.

Шәһәр суды матбугат хезмәтендә хәбәр итүләренчә, үсмер егет пневматик пистолетны комиссион кибетләрнең берсендә сатып алган. Шул ук көнне ул яңа «уенчыгын» сынап карарга булган. Пассажир автобусына кимендә ике тапкыр атканнан соң, үсмер җинаять урыныннан качкан.

Утырышта яшүсмер гаебен өлешчә генә таныган. Гаепләнүче автобус тәгәрмәчләренә генә атканлыгын белдергән. 
Соңрак судья каршында ул: «Болай килеп чыгар дип уйламаган идем», - дип акланган.

Үсмернең гамәлләре хулиганлык турындагы маддә буенча квалификацияләнгән. Әлегә хөкем үз көченә кермәгән.