Украинаның махсус хезмәтләре балаларны ничек вербовкалый?

«Вести.Татарстан» сюжетында. Федераль куркынычсызлык хезмәтенең ТР буенча идарәсе вәкиле сөйләгәнчә, мондый җинаятьләрнең күбесен 13-14 яшьлек балалар кыла. Күбесе имин булмаган гаиләләрдән.

Махсус хезмәтләр мәгълүматлары буенча, чит ил кураторлары балигъ булмаганнарга интернет аша чыга. Башта ышанычларын яулыйлар, аннары куркыныч биремнәрне «тиз акча» өчен башкарырга тәкъдим итәләр. Яшүсмерләргә тимер юл инфраструктурасы объектларына ут төртү һәм зыян салу буенча инструкцияләр бирәләр.
«Янәсе, бу җиңел генә кебек тоела. Берничә болт кистем, шкафны ваттым, сыеклык сиптем. Шырпы ыргыттым да ут төрттем. Төп мотивацияләрнең берсе-ул финанс яктан бүләкләү, әмма алар ут төртүләр сериясен башкарганда, бу акчаны алмый, аларның бөтен язышулары юкка чыга һәм алар бернәрсәсез кала, ә алда  төрмә срогы гына ала. Аларны һәрхәлдә тотачаклар, ким дигәндә 10 елдан катгый режимлы төрмә срогы көтә», – дип сөйли оперативник.

Аның сүзләренчә, җинаятьчеләрнең шәхесләрен кыска вакыт эчендә ачыклап була. Хәтта йөзләрне яшерү һәм камералардан качу омтылышлары да ярдәм итми, дип өстәгән махсус хезмәт вәкиле.