«Ут хатын» алтынчы тапкыр әни булды: Гүзәл Хөснетдинованы гаиләсе бала тудыру йортыннан зурлап каршы алган

Гүзәл сөенечле хәбәрне социаль челтәрләрдә уртаклашкан. Ул бала тудыру йортыннан чыккан мизгелләрне видеога төшереп, язылучыларына күрсәткән.

Блогерны һәм нәни Риманны бала тудыру йортыннан ире Рушан, балалары һәм якыннары каршы алган. Сабыйны өйгә алып кайткач та гаиләне сюрприз көткән: бүлмәләр шарлар һәм чәчәкләр белән бизәлгән булган.

«Менә шулай безнең якыннарыбыз безне бала тудыру йортыннан каршы алды. Ниһаять, без өйдә!» — дип язган Гүзәл.

Гүзәл белән Рушанның хәзер дүрт улы һәм бер кызы бар. Моннан тыш, блогер вакытыннан алда вафат булган сеңлесе Лилиянең кызы Рания турында да кайгырта.

Шулай итеп, Риман Хөснетдиновлар гаиләсенең тагын бер кечкенә әгъзасына әйләнде.