Вишневскийдагы авариядән соң Казанның 7 нче хастаханәсендә биш зыян күрүче кала

Бу хакта «Татар-информ» га Казанның 7 нче клиник хастаханәсе матбугат хезмәтендә сөйләгәннәр.

Исегезгә төшерәбез, бүген 7 нче шәһәр клиник хастаханәсенә Вишневский урамындагы юл-транспорт һәлакәтендә зыян күргән сигез кешене китергәннәр.

«Өч зыян күрүчене тикшергәннән соң һәм кирәкле ярдәм күрсәткәннән соң амбулатор дәвалануга җибәрделәр, бишесен хастаханәгә озаттылар», – дип билгеләгәннәр матбугат хезмәтендә.

Хастаханәдә барлык пациентларга кирәкле медицина ярдәме күрсәтелә, диелә хәбәрдә.