#Кыскача яңалыклар 29 июль 2026, 11:29

Волжскида Яшел Үзәндәге коточкыч авариядә һәлак булган дүрт яшүсмерне соңгы юлга озаттылар

29 июль 2026, 11:29

Марий Эл республикасының Волжск шәһәрендә Яшел Үзәндә булган коточкыч юл-транспорт һәлакәтендә гомере өзелгән дүрт яшүсмерне соңгы юлга озаттылар.

Скопировать ссылку

Волжскида Яшел Үзәндәге коточкыч авариядә һәлак булган дүрт яшүсмерне соңгы юлга озаттылар

Һәлак булган малайларның һәркайсына 13 яшь булган.

Мәрхүмнәр белән хушлашырга туганнары, сыйныфташлары, дуслары, укытучылары һәм яшь спортчылар – аларның командадашлары килгән. Якынча 50 мең кеше яшәгән Волжск шәһәре өчен бу зур кайгыга әверелгән.

Исегезгә төшерәбез, фаҗига 24 июльгә каршы төндә Яшел Үзәндә булган. «Шевроле Ланос» автомобиле юлдан чыгып агачка бәрелгән һәм шуннан соң янып киткән. Машинада җиде кеше булган. Аларның алтысы, шул исәптән 30 яшьлек йөртүче, вакыйга урынында һәлак булган. Бер балигъ булмаган пассажир авыр хәлдә хастаханәгә озатылган.

Кызыклы яңалыкларны күзәтеп бару өчен безнең МАХ каналына кушылыгыз.