Вузлар бюджетка 620 меңнән артык студентны алачак. Нинди белгечлекләргә укырга керүе җиңелрәк?

2026 елда Россия университетларына бакалавриат, специалитет һәм магистратура программалары буенча 620 меңнән артык бюджет урыны бүлеп биреләчәк. Бу закта Дәүләт Думасының фән һәм югары белем бирү комитеты рәисенең беренче урынбасары Александр Мажуга хәбәр иткән.

Аның сүзләренә караганда, өстенлек биш төп юнәлешкә бирелә: инженер-техник белгечлекләргә, педагогика һәм сәламәтлек саклау юнәлешләренә, авыл хуҗалыгы өлкәсенә һәм IT-технологияләргә.

- Быел вузларда бюджет урыннары санының рекордлы артуы дәвам итә. Илебез университетлары бакалавриат, специалитет һәм магистратура программалары буенча 620 меңнән артык студентны бюджет урыннарына кабул итә алачак. Бюджет урыннарының 73 проценты төбәкләргә бирелде, - ди парламентарий.

Моннан тыш, Александр Мажуга мөмкинлекләре чикләнгән студентларның һәм студент гаиләләренең яшәү үзенчәлекләрен исәпкә алган тулай торакларны капиталь ремонтлау стандартлары кертелү турында сөйләде. 2030 елга кадәр университетларның 800 тулай торагын төзекләндерү планлаштырыла, моңа 124 млрд сум бүлеп биреләчәк, дип хәбәр итте ул.