Татар кызы Гөлнора Италиядән җиңү белән кайтты

Хәзер ул махсус куела торган "Турандот" операсында партия башкарачак. Ул шулай ук Италия шәһәрләре буенча оештырылган турнеда да катнашырга җыена.

Гөлнора Гатина Симферополь музыка училищесын тәмамлап хәзер Казан консерваториясендә белемен ала. 2012 елдан Казан опера театрында эшләүче Г.Гатина бик күп конкурслар лауреаты. Ул Розина ("Севильский цирюльник", Дж.Россини), Адина, Джанетта ("Любовный напиток", Г.Доницетти), Чио-Чио-сан ("Мадам Баттерфляй", Дж.Пуччини), Зәйтүнә, Бадрижихан ("Шагыйрь мәхәббәте", Р.Әхиярова), Ксения ("Борис Годунов", М.Мусоргский), Фраскита ("Кармен", Ж.Бизе), Шагыйрь хатыны ("Җәлил", Н.Жиһанов) партияләрен башкарып тамашачы күңелен яуларга өлгерде.