Зөлфия Вәлиева «Зө-Ләй-Лә»дән нигә аерылган?

- Театрда «Өченче бүлмәдә эт яши» дигән яңа «пьесага утырдык». Пьесаны башта бөтен катнашачак артистлар режиссер белән укыйлар. Ул - иҗат процессының беренче өлеше. Шуны «пьесага утыру» дип атыйбыз. Авторы - Рөстәм Мингалим, режиссеры - Резеда Гарипова. Премьера 10 декабрьдә булачак. Мин Гөлия исемле хатынны уйныйм. «Зө-Ләй-Лә»дән ике Ләйсән «Казан» бию ансамбле белән Башкортстанга 10 көнгә зур гастрольләргә чыгып киттеләр. Мин театрда яңа спектакль өстендә эшлим. Язмыш шулай итә, берни эшләтеп булмый, кызлар мине коткара, аларга рәхмәтем чиксез. Театр - төп эшем. Гаиләдә Аллага шөкер. Тигез генә яши бирәбез. Кызыбыз Латыйфаны нәфис гимнастикага бирдек. Аңа хәзер 4 яшь. Бер елга соңга калганбыз, 3 яшьтән йөри башлыйлар икән. Әмма борчылыр урын юк, безнең кебек соңлаучылар бар анда.