1 сентябрьдә 8 яңа мәктәп ачыла
– Без бер уку елын тәмамлап, икенчесен башлыйбыз. Әле кичә генә вузларда соңгы абитуриентларны кабул иттек. Республика буенча көн саен яңа объектлар ачабыз. Яңарак кына Алексеевск районында булдык. Мамадыш, Тукай районнарында очрашулар көтелә, – диде Татарстанның Мәгариф һәм фән министры Рафис Борһанов турыдан-туры эфир вакытында.
– Без бер уку елын тәмамлап, икенчесен башлыйбыз. Әле кичә генә вузларда соңгы абитуриентларны кабул иттек. Республика буенча көн саен яңа объектлар ачабыз. Яңарак кына Алексеевск районында булдык. Мамадыш, Тукай районнарында очрашулар көтелә, – диде Татарстанның Мәгариф һәм фән министры Рафис Борһанов турыдан-туры эфир вакытында.
“Вирус беркая да китмәде”. Әмма бүгенге вәзгыятьтә дә министр белдерүенчә, мәктәпләр өчен уңайлы шартлар тудырыла. Республиканың 1402 мәктәбе тоткарлыксыз интернетка тоташтырылган. Моның өчен Татарстан җитәкчелеге миллиард сум акча бүлеп биргән. Министр Рафис Борһанов әйтүенчә, бу берничек тә дистантта уку белән бәйле түгел, укучыларга уку барышында зур мөмкинлекләр бирелә. Бигрәк тә чыгарылыш сыйныфлар өчен өстәмә контент булдырылачак. “Бу имтихан-олимпиадаларга әзерләнү өчен кирәк”, – диде ул.
Татарстанда 1 сентябрь көнне үк 8 мәктәп ачыла. Бигрәк тә полилингваль мәктәпләргә адым салучылар игътибар үзәгендә булачак. Министр Рафис Борһанов белдерүенчә, яңа төр мәктәпләр ачылу укуның сыйфатына зур йогынты ясаячак. Гомумән, белем бирү системасы дөньякүләм дәрәҗәдә ярышырлык, беренче унлыкка керерлек булырга тиеш.
Быел 42 белем йортының материаль-техник базасы ныгытылган. 2021 елда шундый 86, 2022 елда 75 мәктәп яңадан яңартыла. Барлыгы 203 мәктәп кабаттан җиһазландырылачак, моның өчен дәүләттән 46,9 млн акча бүленеп бирелгән.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Җәмгыять
Мәскәү базарында җәйнең иң мул чагы!
-
#Язмалар
«Бер әтидә мең шәхес»: Зиннур Хөснияр турында якыннары һәм танылган шәхесләр нәрсә сөйли?
-
#Кыскача яңалыклар
Татарстанда эт хуҗалары өчен яңа чикләүләр кертергә җыеналар: нәрсәләр үзгәрәчәк?
-
#Кыскача яңалыклар
Татарстанда иң зур яшьләр форумнарының берсе башлана: «Лига форум»га кемнәр килә?
-
#Кыскача яңалыклар
Табиблар могҗиза ясады: Казанда бер операция вакытында хатын-кыздан ике зур шешне алганнар
Комментарийлар