Алексей Песошин: “Һәр бюджет сумы нәтиҗәле тотылырга тиеш”

Бу максатларга 166 млрд сум акча юнәлдерелгән. Җиденче чакырылыш Татарстан Дәүләт Советының егерменче утырышында Татарстан Премьер-министры Алексей Песошин 2025 елда Татарстан Министрлар Кабинеты эшчәнлеге нәтиҗәләре турында хисап тотты.

“Безнең бурыч - объектларны аларга реаль ихтыяҗны исәпкә алып төзелүен һәм ремонт программаларына кертелүен тәэмин итү. Һәр бюджет сумы нәтиҗәле тотылырга тиеш”, - дип белдерде докладчы.

Капиталь ремонт программасы буенча 882 күп фатирлы йорт ремонтланган. 200 меңнән артык кеше торак шартларын яхшырткан. «Безнең ишегалды» программасы буенча 677 ишегалды территориясе яңартылган. 44 парк һәм скверны да кертеп, 63 иҗтимагый киңлек төзекләндерелгән.

“Әлеге максатларга җибәрелә торган акчаларның шактый күләмен исәпкә алып, муниципалитетларның бурычы аларны алга таба да тиешле күләмдә карап тоту. Ә яңа объектлар буенча тәкъдимнәр формалаштырганда әлеге территорияләрдә коммуналь инфраструктураны модернизацияләү һәм йортларны капиталь ремонтлау программаларын гамәлгә ашыру планнарын исәпкә алырга кирәк”, – диде Алексей Песошин.

Аның сүзләренчә, 2026 елда 3 565 объект төзү һәм капиталь ремонтлау каралган. Бу максатларга 146,5 млрд сум юнәлдерү планлаштырыла.

Билгеле булганча, Татарстанда «Эффектив һәм көндәшле икътисад» илкүләм проекты гамәлгә ашырыла.