Бердәм тавыш бирү көнендә көндегезге сәгать 12гә гражданлык бурычын республиканың 34,5% үтәгән

Республика Үзәк сайлау комиссиясе рәисе Александр Кондратьев сүзләренчә сайлаулар төгәл бара, хокук бозулар юк.

–  Сайлауга бар гаиләсе белән килгән кешеләр дә күп. Сайлау участокларында бәйрәм рухы, сезгә бары яхшы яңалыклар хәбәр итүем белән дә шат. Сайлау буенча оештырылган турыдан-туры элемтәгә 842 мөрәҗәгать килгән. Аларның күбесе өйдә сайлау мөмкинлеге һәм бәйрәм концерты турында. Моннан тыш, килгән шалтыратуларның бер өлеше «Мобиль сайлаучы» кушымтасына бәйле. “Мобиль сайлаучы”кушымтасы соңгы көнгә кадәр эшләмәвенә үкенәм. Без көчебездән килгәннең барысында эшләдек. Кушымта 10 сентябрьгә кадәр эшләде, өйдә сайлау өчен 12 сентябрьгә кадәр мөрәҗәгать итәргә мөмкин иде. Кушымтаның вакыты чикле булу, мәгълүматнытикшерү белән аңлатыла. Киләчәктә бу кушымта тагын да тизрәк эшләр дипөметләнәм, –диде Александр Кондратьев.

Шулай ук ул сайлау участокларында волонтерлар эшен дә билгеләп үтте. Волонтер ярдәме кирәк булган кешеләр бу хакта алдан дәүләт хезмәтләре порталы аша мөрәҗәгать итәргә тиеш иде. Шулай итеп, сәламәтлеге чикле кешеләрне сайлау участогында волонтерлар каршы алып, аларны сайлау урынына кадәр озатып куя. Әмма волонтерлар сайлау процессында катнаша алмый. Искәртеп үтәбез, Казан гаилә үзәге янында бәйрәм концерты дәвам итә. Анда керү өчен сайлау участогында бирелгән гаилә белән сайлыйбыз беләзеген алырга кирәк.Сайлау участоклары кичке сәгать 8 гә кадәр эшли.