Марат Хөснуллин: “Татарстан бүген ил генә түгел, бөтен дөнья белә торган позитив бренд”

“Биш ел хакимияттә эшлим. Атна саен губернаторлар белән очрашабыз, һәм биш ел буена Татарстан 25 күрсәткеч буенча тотрыклы рәвештә фәкать яшел зонада. Республика төзелеш тармагында елдан-ел уңышларга ирешә, юллар, соөиаль объектлар, сәнәгать предприятиеләре төзелә, болар барысы да тлкүләм проектлар буенча гамәлгә ашырыла. Моннан тыш, Татарстан халыкара хезмәттәшлекне, аерым алганда ислам илләре белән элемтәләрне үстерә”, – дип белдерде Россия Хөкүмәте Рәисе урынбасары Марат Хөснуллин Рөстәм Миңнехановның  Татарстан Рәисе вазифасына керешү тантанасында ясаган чыгышында. Аның сүзләренчә, бу уңышлар – Рөстәм Миңнеханоның һәм аның командасының максатчанлыгы һәм килешеп эшләве нәтиҗәсе. “Кайгыртучанлыгыгыз һәм игътибарыгыз аркасында республикада имин яшәү өчен мөмкинлекләр тудырыла. Бу республикада алга таба хәрәкәт итәргә мөмкинлек бирә торган төп факторларның берсе. Татарстанны бүген ил генә түгел, бөтен дөнья белә торган позитив бренд”.