Миңнеханов «Батырлар. Татарстан Геройлары» программасында катнашучылар белән очрашкан

Тиешле постны ул МАХ каналында урнаштырган.

Очрашу барышында ветераннар махсус хәрби операция ветераннарына ярдәм итүдән алып яшь буынга хәрби – патриотик тәрбия бирүгә кадәр темалары төрле булган үз проектларын тәкъдим иткән. «Һәрбер инициатива-иң зур игътибарга лаек уйланылган тәкъдим"», - дип билгеләп үткән ТР Рәисе.

Моннан тыш, Миңнеханов ветераннарны эшкә урнаштыру темасына игътибар иткән һәм хәрбиләргә тыныч тормышка кайтуда ярдәм итүнең мөһимлеген билгеләп үткән. «Геройларыбызның тәҗрибәсе, тормыш дисциплинасы һәм ышанычлылыгы эшчәнлекнең һәр өлкәсе өчен кыйммәтле актив булып тора», – дип яза Татарстан Республикасы Рәисе.