Рөстәм Миңнеханов: махсус хәрби операция ветераннарының җайлашуы һәм һөнәри үсеше өчен шартлар тудырылачак

Анда Татарстан Рәисе Рөстәм Миңнеханов, РФ Хөкүмәте Рәисе урынбасары Дмитрий Чернышенко һәм «Ватанны саклаучылар» дәүләт фонды рәисе Анна Цивилева катнашты.

Рөстәм Миңнеханов Татарстанда МХО ветераннарын реабилитацияләү, яңадан укыту һәм эшкә урнаштыруга зур игътибар бирелүен әйтте.

«Без киләчәктә дә фронттан кайткан һәркемнең җайлашуы һәм һөнәри үсеше өчен барлык кирәкле шартларны тудырачакбыз», – диде ул.

Дмитрий Чернышенко федераль хөкүмәтнең ветераннарга ярдәмне дәвам итәчәген белдерде. Аның сүзләренчә, быел чемпионатта Россиянең барлык төбәкләреннән меңгә якын кеше катнашкан, бу узган ел белән чагыштырганда 2,5 тапкырга күбрәк.

Тантанада чемпионат җиңүчеләре һәм призерлары бүләкләнде. Шулай ук Анна Цивилева Рөстәм Миңнехановка «Принципларга тугрылыгы өчен» күкрәк тамгасын тапшырды.

«Абилимпикс» чемпионаты 26 июньнән 1 июльгә кадәр узды. Анда 2 меңнән артык кеше катнашты, ә бәйгеләр 21 төп компетенция буенча үткәрелде.