Бала тырнак кимерсә, нәрсә эшләргә? Психолог киңәшләре

Әмма тырнак кимерүне начар гадәт итеп кабул итәргә кирәкми. Бу балада булган проблемаларның бер билгесе.
Бала моны күңелсез булганга яисә тырнак аңа тәмле тоелганга эшләми. Ул тырнакларын нервланганда кимерә.

Мисал өчен, ул яңа коллективка килеп кергәндә дулкынлана. Яисә мәктәптә контроль эш булганда борчылырга мөмкин. Әти-әни, укытучы орышса да, бала өчен стресс.

Тырнакларның ямьсез күренүе, организмга микроблар керү бер бәла. Бу гамәлнең психологик ягы да бар. Бала, шул рәвешле, эмоцияләрен тышка чыгару урынына, баса. Еларга ярамый, көләчәкләр. Ачуланырга ярамый - ачуланалар. Ә бала эмоцияләрен башкача күрсәтә алмый, чөнки мәктәптә моңа өйрәтмиләр. Тик басылган эмоцияләр эзсез генә югалмый.

Андый балалар үз-үзләренә ышанмый торган булып үсә. Үз хисләре хакында сөйли, күрсәтә алмый. Аларда невроз барлыкка килә.

Үскәч тә балага мөнәсәбәтләр төзергә авыр була. Ул еллар буе үзенең яратмаган эшендә аз хезмәт хакына эшләп йөрергә мөмкин. Шәхси тормышында да проблемалар килеп чыгуы бар.

Шуңа да балагызның тырнак кимерүен күрсәгез, психологка мөрәҗәгать итәргә кирәк.