Яман шеш барлыкка килүен ис ярдәмендә ачыкларга була.

Гомумән, бу организмда теләсә нинди авыру булганда да чагылыш таба торган билге. Чөнки кешенең тән исе үзгәрә башлый. Хәзер белгечләр, авыруны башында ук ачыклау максатыннан, шул исләрне аера торган җиһазлар ясау буенча эш алып бара. Төп максатлары – яман шеш авыруын беренче дәрәҗәдә үк  ачыклау.  
Эш шунда ки, рак авыруы кешенең матдәләр алмашына йогынты ясый.

Нәтиҗәдә, организмнан аерым бер ис бүленә башлый. Бу вакытта кеше үзенең авыру булуы хакында уйлап та карамаска мөмкин, чөнки үзен яхшы хис итәчәк. Шуңа да озак вакыт дәвамында үзегездән, авыздан аерым ис сизә башлыйсыз икән, табибларга мөрәҗәгать итәргә киңәш ителә.   

Беренче чиратта җиһазлар күкрәк рагы, үпкә рагы һәм ашказаны рагы кебек авыруларны ачыклау өчен җитештереләчәк.