«Һәр театрның үз Әлмәндәре!». Юрий Чуктиевка 50!

Күренекле артистны котларга Кукмарадан якташлары, Татарстан Язучылар берлеге, Я. Емельянов исемендәге мәдәният үзәгеннән карендәшләре котларга килгән иде. Бу кичне курчак театрында олылар өчен "Әлдермештән Әлмәндәр" (Туфан Миңнуллин) спектакле күрсәтелде. Әлмәндәр ролендә юбиляр үзе! Спектакльдән соң Юрий дәдәйне труппа тәбрикләде. "Әкият" курчак театрының сәнгать җитәкчесе Илгиз Зәйниев «Юрий дәдәй булмаса, курчак театрында "Әлдермештән Әлмәндәр"не куярга алынмас идем. Һәр театрның үз Әлмәндәре! Моңа кадәр үз юбилеен Әлмәндәр карт образында уздыру Шәүкәт Биктимеровка гына тәтегән, хәзер Юрий Чуктиев та моның белән мактана ала», – дип шаяртты. Соңыннан Чуктиев үзе дә труппага, тамашачыларга, гаиләсенә рәхмәт белдерде.

Юрий Чуктиев белән зур интервью «Сәхнә» журналының апрель санында басылачак. 

Таңсылу Мостафина