Айсылу Габдинова: “Сәхнәдән югалудан курыкмыйм”
Популяр җырчы Айсылу Габдинова бу көннәрдә шатлыклы яңалыгы белән уртаклашты. Айсылуның сәхнәдән югалып торуының сәбәбе: йөкле булу. Хәзер җырчы 2 яшьлек улын тәрбияли. Айсылу Габдинованы котлап, хәбәргә чыктык.
Популяр җырчы Айсылу Габдинова бу көннәрдә шатлыклы яңалыгы белән уртаклашты. Айсылуның сәхнәдән югалып торуының сәбәбе: йөкле булу. Хәзер җырчы 2 яшьлек улын тәрбияли. Айсылу Габдинованы котлап, хәбәргә чыктык.
“Үземне яхшы хис итәм. Баллы һәм камыр ризыклар ашарга ярамый. Шунысы авыррак”, - диде ул.
- Улыгызга 2 яшь дип беләм. Бер-бер артлы бала табу куркытмыймы? Җырчы буларак онытылырмынмы дигән уйлар тумыймы?
- Бала табу куркытмый, 2 яшьлек улыма игътибар әзрэк эләгер дип кенә борчылам. Ул да сабый әле. Минем белән янәшәдә булуым бик мөһим. Йөклелек чорында ук сабыйларның һәрберсенә вакытны ничек бүлергә, Арысланга игътибарны тиешенчә ничек биреп бетерергә дип уйлыйм. Җырчы буларак, чыннан да, аз эшли һәм ижат итә башладым, ләкин сәхнәдән "югалудан" курыкмыйм. Бәхет сәхнәдә генә түгел. Сәхнә – ул бизнес. Гел зур акча кертеп, күренеп торырга кирәк. Әлегә минем аңа җитәрлек энергиям дә, акчам да юк. 1,5 ел элек өйгә күчендек, аның белән шөгыльләнәбез. Эшләгән акчаны шунда кертәбез. Бик тырыштык, рәхәтләнеп яшәр өчен барысы да бар диярлек. Тагын бер хыял – мунча ясыйсыбыз калды.
- Сез хәзер үзегезне күбрәк гаиләгә багышлыйсыз кебек. Сәхнә сагындырамы?
- Әлбәттә, мин тамашачыларны, сәхнәне бик яратам, сагынам. Җырлау, иҗат итү – минеке. Әмма, кабатланам, хәзер эстрада бизнеска әйләнеп бетте, шунысы кызганыч. Элеккеге кебек җырлар худсовет аша үтеп, шәп җырчылар, профессионалларны радио-телевидениега болай гына чыгармыйлар. Ләкин чакырган җиргә мин бик рәхәтләнеп барам, җырлыйм, күчмә язылышу тантаналары үткәрәм. Ерак юлга гына чыкмыйм әлегә.
- Гадәттә, артистлар хәтта бала табу буенча ялда да утырмыйлар, эшкә чыгалар. Сез нинди карашта?
- Һәр кеше үзе хәл итә инде... Мин, мәсәлән, баланы 3 яшькә кадәр балалар бакчасына бирергә дә жәллим. Минемчә, 3 яшькә кадәр балага әни бик кирәк. Бала башкалар белән уйнау дигәнне дә аңламый әле. Әлегә минем "няня" да юк. Әби-бабайларга гына ышанып калдыра алам. 30 яшьтә әни булу – 20 яшьтә әни булу тугел. Бәлки, 20 яшьтә бала тапсам, җинелрәк карар идем. Аллаһка шөкер, әлегә эшкә чыгып, гастрольләрдә йөрергә ихтыяҗ юк. Ирем эшләп, гаиләбезне тәэмин итә ала. Балаларның үсүен күрү – үзе зур бәхет. Минем нәнәемнең (әби): “Декрет 3 ай. Баланы калдырып, эшкә чыгып китәргә туры килә иде”, - дип сөйләве исемдә. Хәзер заманалар җайлырак инде…
Фото Айсылу Габдинованың шәхси блогыннан
Комментарийлар