Илгизә Галиуллина
Әнвәр Нургалиев: “Бу хәл күңелгә тиде инде”
Татарстанның атказанган артисты Әнвәр Нургалиев авыл халкының җавапсызлыгы белән очрашкан. Бертуган абыйсының нигезе ташландык рәвештә ятуына борчылып, ул агачлар утырткан булган.
Татарстанның атказанган артисты Әнвәр Нургалиев авыл халкының җавапсызлыгы белән очрашкан. Бертуган абыйсының нигезе ташландык рәвештә ятуына борчылып, ул агачлар утырткан булган.
Кызганыч, агачларны харап иткәннәр. Хәл-әхвәл белешеп, Әнвәр Нургалиев белән элемтәгә чыктык.
– Гастрольләр әлегә тамам. Яңа программа өстендә эшлим, җырлар яздырам. Сәламәтлекне дә контрольдә тотам. Тикшеренеп торам, Аллаһка шөкер зарланырлык түгел әле.
– Агачларга күрше тирәдә йөрүче йорт хайваннары харап иткән дип әйткән идегез. Авылдашларга ачу сакламыйсызмы?
– Агачларны бик кызгандым. Нинди хәлгә килүен күреп, йөрәгем ярылды. Шундый матур үсентеләр алып кайтып утырткан идем бит. Безнең авыл бик кечкенә. Анда шул 10-12 гаилә генә яшидер. Әти-әнием гүр ияләре булгач, матур булсын дип агачлар утырткан идем. Узган елны мәрхүм Флүр абыемның җирен сатып алдым. Җиңгәчәй чит кешегә сатып киткән иде. Җир чүплеккә әйләнә башлагач, җирнең хуҗасы белән элемтәгә чыгып, аны матур гына бәягә сатып алдым. Күлнең ярларын ныгыттым. Тагын агачлар утыртып, авылдашлар өчен күркәм урын ясарга исәп иде. Мин яхшы булсын, матур булсын дип тырышам. Без уйнап үскән урыннар бит бу. Безнең авылда чыршы утырткан кеше бөтенләй юк иде. Чыршыларны күршеләрнең кәҗәләре ашап чыккан. Ничек шундый мөнәсәбәттә булып була икән? Әйләндереп алынган территориягә кереп ашаганнар. Әле ярый калган агачларны утыртырга өлгермәгән идек. Мин, гомумән, ачу саклый торган кеше түгел. Бу хәл күңелгә тиде инде. Аз гына үпкә булырга мөмкин, анысы да бетә аның.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Авыл
Россиядә автолавкалар һәм фудтраклар өчен сәүдә кагыйдәләре үзгәрә
-
#Җәмгыять
Җинаятьчелеккә каршы бердәм төстә көрәшү кирәк
-
#Мәгариф
Студентларга 1 млн сумга кадәр грант һәм яңа мөмкинлекләр: Татарстан яшьләренә нәрсә тәкъдим ителә?
-
#Дин
Еш бирелә торган сорауларга Коръәндәге җаваплар
-
#Авыл
Апаста яшәүче оста агачтан уникаль җиһазлар ясый: «Нәселебезнең кәсебен дәвам итәм»
Комментарийлар
0
0
Аларны махсус кертэлэр тоткан бакчага. Авыл халкына бернэрсэ дэ кирэкми, тик йорт хайваннары гына тук булсын...
0
0
0
0
Нига Анвар берарсена карарга айтмаде икан? Ботен нарсане иска алып торога кирак бит
0
0
0
0
Кәжән арап б т р п булмый шул , ар анлап ына уяр а ,булмаса ул любой тиш ктән к р п ,а ачларны ким р п б т рә ,шундый аз ын мал. Хужалары утыртсын яңадан үс нт ләр ,кәжәләр н са лар а улларыннан килмәгәч ,к мд р жавап бир ргә ти шт р бит....
0
0
0
1
Чит кешене эйтеп тэ булмый, уз туганнарын да эле беле торып шул эшне эшли.
0
0