Айсылу Габдинова машина йөртергә өйрәнгән һәм Чиләбегә барып кайткан!

Җырчы һәм ТНВ каналы алып баручысы Айсылу Габдинова машина йөртергә өйрәнгән.

"Ирем белән алмаш-тилмәш рульдә аның туган ягы Чиләбегә барып кайттык. Чиләбе ягында табигать искиткеч, сүз белән генә аңлатып булмый! Җәйне менә шулай күңелле сәяхәт итеп, әзрәк эшләп үткәрәм", - ди ул.

Җырчы бу җәйдә яңа җырына клип төшерергә планлаштыра икән.

"Хәзер җырчы буларак эш булмагач, укытучы һөнәре  булуыма шатланам. Үзем бик күп мастер класслар карыйм, шәхси вокал дәресләре бирәм", - ди Айсылу Габдинова.

ЭЛЬВИРА ШАКИРОВА