“Безне Аллаһ саклаган”: Фирдүс Тямаев юлдагы тетрәндергеч хәлне сөйләде

Башта артистның машинасында ягулык беткән. Ә аннан алар юл һәлакәтенең шаһиты булганнар. Бу хакта Фирдүс социаль челтәрдәге шәхси сәхифәсендә язылучыларына сөйләгән.

– Юлда ниндидер гадәттән тыш хәлләр булмыйча калмый инде. Машина йөртүче ягулыкның күләмен карамаган. Мәскәү юлында туктап калдык. Мин аңа ышанып, йоклап бара идем. “Татнефть”кә кереп чәй әчәрбез дигәнмен, машина йөртүчебез онытылып шул заправкага барган”, – дип сөйли җырчы.
Кыскасы, юл хезмәтләренә  шалтыратып, ягулык салдыртканнар. Әмма юлда кызганыч хәл дә булган.

– Безнең алдан 1-2 минут автобус узып киткән иде.  Каршы яктан газель килгән автобус белән бәрелешкәннәр. Яңа гына безне узып киткән иде бит... Туктадык. Барыбыз шок хәлендә. Автобуста булган кешеләргә ярдәм иттек, беренче ярдәм күрсәттек. Пыялага киселгән кешеләр бар иде. Әмма ничә ел рульдә йөреп, беренче тапкыр юл һәлакәтенә эләккән һәркем автобус һәм газель йөртүчеләре, 46 пассажирның исән-сау булуын күрәм. Аллаһның рәхмәте. Туктагач ук: “Барысы да исән булсын иде”, – дип теләгән идем. Аллаһка шөкер! Машина йөртүчене дә жәлләдем. “Пассажирлар сорау бирә иде, бер мизгелгә генә игътибарны югалттым”, – ди. Каршысына газель килеп чыккан. Безнең алда булган хәл. Ашыкмагыз, чапмагыз, юлларда сак булыгыз. Ягулык бетеп, юл читендә утыру – чүп кенә. Безнең ягулык көтеп утыруыбыз да юкка булмаган. Аллаһ Тәгалә саклаган. Әгәр каядыр соңга калгансыз, җитешмәгәнсез икән, үзегезне дә, башкаларны да сүкмәгез. Димәк, Аллаһ шулай кирәк дип тапкан., – дип сөйли Фирдүс Тямаев.