Чәчкә ничә килога ябыккан

- «Кайтуыңны кыр казы юрар» җырына клибым чыккач, «Чәчкә тазарган икән» дигән сүзләрне еш ишеттем. Чыннан да, соңгы елда мин бераз тазардым шул. Ашауны чикләмим, өстәвенә руль артына утыру да тәэсир иткәндер. Кайбер абый-апалар: «Кияүгә чыккач түгәрәкләнеп, матурланып киткәнсең», - дияләр иде. Шундый сүзләрдән соң, кайбер концерт күлмәкләремә дә сыймый башлагач, мин үз-­үземне кулга алырга булдым. Хәзер күбрәк хәрәкәтләнергә, әзрәк ашарга, саф һавада йөрергә тырышам. Яшелчә, җиләк-җимешкә өстенлек бирә башладым. Майлы, кыздырылган ризыкларны бик сирәк кенә ашарга тырышам. Нәтиҗәсе дә бар, март аенда 7 килограмм­га ябыктым, - диде Чәчкә.