Дилә Нигъмәтуллина: 15 ел көткән операцияне ясаттым

–  Бүген мин бик шатлыклы хәбәр алдым! Өч ел дәвамында үзенең элек башкарган җырларымны музыкаль платформаларга чыгара башладым. Инде барысы диярлек чыкты , ләкин иҗат юлымдагы иң популяр җырлар – өч хитым, өч китым, мине халыкка таныткан җырларны чыгарып булмады. Тамашачыларымнан «Бәллүр савыт», «Хатын кыз бәхете» һәм «Ком сәгате» кайда соң дигән меңләгән сораулар алдым.  Ләкин мин берни дә эшли алмый идем. Кызганыч ки, бу җырларга хокуклар минеке түгел: көй – Оскар Усмановныкы, сүзләр «Барс медиа»ныкы. Миңа бары тик башкару хокукы гына бирелгән иде. Һәм ниһаять, озак сөйләшүләрдән соң, хокук ияләре уртак фикергә килделәр, һәм барлык җырлар да платформаларда булачак, – ди Дилә.

Моңа өстәп, Дилә Нигъмәтуллина борынына операция дә ясаткан: 
– Мин, ниһаять, 15 ел көткән операцияне ясаттым. Борынга операция ясадылар. Моннан берничә ел элек мин бик нык бәрелдем һәм борын кимерчәген (носовая перегородка) сындырдым, нәтиҗәдә борын кәкрейде. Бер яктан караганда, операция мәҗбүри түгел иде, миллионлаган кеше мондый диагноз белән яши, һәм бу аларга комачауламый. Ләкин минем очракта операция мәҗбүри булды, чөнки сулыш алу кыенлашты. Бу җырларга комачаулый иде. Шуңа күрә, сез мины котлый аласыз. Операция, әлбәттә, җиңелләрдән түгел, ләкин хәзер үземне әйбәт хис итәм. Тернәкләнәм, – дип язган Дилә.