Элвин Грей гафу үтенә

Хәтерләсәгез, “Барс”лар белән җырның сүзләре авторы Гөлнара Рашитова Элвин Грейдан җырны татарча башкармауны сорап, 100 миллион сумга якын акча таләп иткәннәр иде. Бу хакта Радик Юльякшин үзенең социаль челтәрендәге шәхси сәхифәсендә язды. Ниһаять, бу аңлашылмаучанлык суд юлында хәл ителде.
- «Туган як» музыкаль әсәрен иҗат итүнең барлык фактларын, татар, башкорт һәм рус версияләренең барлыкка килү вакытын, аларны куллануга һәм тиражлауга хокук бирә торган документларны җентекләп анализлаганнан соң, шулай ук РАО (Россия авторлык хокуклары җәмгыяте) реестрында тикшерүләрдән соң, Элвин Грей лейблы «Туган як» җырының оригинал текстының авторы Гөлнара Рәшитова булуын таный. Сүзләргә авторлык хокуклары - «Барс Рекордс» җәмгыятендә, аңа Гөлнара Рәшитова текстка хокукларны гына тапшырган. Бүгенге көндә Элвин Грей һәм «Барс Рекордс» - җырның уртак хуҗалары. Алар бер-берсе белән алдан килешеп, әсәрне төрле мәйданчыкларда бертигез дәрәҗәдә урнаштыра һәм өченче затларга «Туган як» музыкасын яки сүзләрен халык алдында яки коммерция максатыннан чыгып кулланырга рөхсәт итә алалар. 

Тикшерү барышында ачыкланганча, Радик Юльякшин исеменнән эш иткән затлар мәгълүматларны бозып, артистка чынбарлыкка туры килмәгән мәгълүмат тапшырып сөйләшүләр алып барганнар. Иҗади һәм эмоциональ шәхес буларак, Радик Юльякшинның реакциясе кискен булган һәм, килешик, дөрес түгел. Камил Гәрәевтән гафу үтенәбез һәм татар мәдәнияте өчен хезмәттәшлек итүгә өметләнәбез, - дип язган Элвин Грей социаль челтәрдәге сәхифәсендә.