Фирдүс Тямаев төркемендә эшләүче, җырлар авторы Радик Шәрәфиев никах укыткан

– 3 ел очрашып йөрдек, социаль челтәрдә таныштык, төрле сәбәпләр аркасында күрешә алмыйча, бер ай язышып, күрешеп, бер-беребезне аңлап, очрашып йөри башладык. Йөргәнгә бер ай да булмаган иде әле, аңа багышлап җыр яздым, ул җырны, Алла теләсә, туйга кадәр ишетерсез диеп уйлыйм. 
3 ел йөрсәк тә, күп нәрсәләр бергә үтергә туры килде, шуңа күрә төпләп уйлап өйләнергә булдым. Артист кеше белән гаилә кыру авыр икәне  сер түгел, сөйгәнем минем эшемне, иҗатымны һәрвакыт хөрмәт итә һәм ярдәм итеп тора. Никахны кызның туган ягында, якын туганнарны гына чакырып, уздырдык. Туйга килгәндә, Алла Теләсә, достойно үткәрергә әзерләнәбез, – дип уртаклашты Радик. 
Яшь парга бәхет телибез!