#Шоу-бизнес 07 август 2022, 09:25

Фәнзирә Хаюмова: “Балаларым бәхетенә исән калдым”

07 август 2022, 09:25

Җырчы Фәнзирә Хаюмованы “Мәйдан” каналында еш күрәм. Танылган артист булмаса да, тавышы шулкадәр моңлы, йөрәккә үтеп керә. “Бу ханымның язмышы үзенчәлекле бугай” дип уйлап куйдым һәм кичекмәстән Фәнзирәнең телефон номерын эзләп таптым. Чынлап та, язмышы могҗизалы булып чыкты...

Скопировать ссылку

Фәнзирә Хаюмова: “Балаларым бәхетенә исән калдым”

– Фәнзирә, сезнең белән якыннанрак танышасы килә. Кайда туып үстегез?

– Мин Пермь өлкәсе Уинск районы Барсай авылында гап-гади гаиләдә туганмын. Әнием Алия фермада савымчы булып эшләде. Әтием Расип йөк ташучы булып фермада атта йөри иде. Әни җырларга бик яраткан. Сабан туйларында кая гына барса да, гел беренчелекне алып бүләкләр ала торган булган. Без гаиләдә өч кыз үстек. Мин – уртанчысы. Һөнәрем буенча җырчы түгел, мин – умартачы. Ләкин кечкенәдән җыр-моңга гашыйк булып үстем.

– Апа-сеңлегезгә дә җырлау сәләте бирелгәнме?

– Әниемнең таланты миңа гына бирелгән. Өч яшь чагымда “Балан” җырын башкардым. Сәхнәгә иң беренче адымнарымны да шул яшемдә ясадым.

– Ялгышмасам, сез хәзер Казанда яшисез?

– Тормыш иптәшем белән бер авылда уйнап үстек. Дөрес, без хәзер бергә яшәмибез. 2011 елның көзендә ирем белән авылдан Казанга чыгып киттек. Ул машина йөртүче булып урнашты. Мин “Колхоз базары”нда татар җырларыннан торган җыентыклар саттым. Ул җырларга үзем дә кушылып җырлый идем. Аннары кибетләрдә дә эшләдем. Берзаман җырлар сатып алып, үземнең репертуарны туплый башладым. “Аксу” студиясе җитәкчесе Рөстәм абый Сәрвәров чакырды. Аннан соң 7 ел тирәсе Нияз Җәләлов төркемендә эшләдем.

– Ни өчен ирегез белән аерылыштыгыз?

– Беренчедән, көнче булды. Икенчедән, яман шеш белән чирләгәнемне белгәч ташлап китте. 2018 елда миндә яман шеш таптылар. Гыйнвар аенда аңымны югалтып егылдым. Мине Чехов урамындагы хастаханәгә алып киттеләр. Шунда яман шеш барлыгын әйттеләр. Каян килгән ул чир миңа? Нәселебездә дә юк... Аннары мине 18нче хастаханәгә озаттылар. Бер атна узгач, тагын аңымны югалттым. МКДЦда яттым. Анда операция ясамыйча бер ай тоттылар. Әнием акча түләгәч кенә ясадылар. Хастаханәдә мине әни саклады. Ә ирем 4нче стадиядәге яман чир белән авырганымны белгәч, ташлап китте...

– Хәзер хәлегез ничек?

– Аллаһка шөкер, терелдем. Кызларым бәхетенә исән калдым. Өч кызым бар, алар дип яшим. Бүтән чирләргә язмасын. Минем бит бер тапкыр да баш авырта дигәнем булмады... Операциядән соң әни мине Пермьгә алып кайтып китте. Бер ай эчендә тагын бер операция кичердем. Пермь табибларына мин бик рәхмәтле. Барыбыз да исән-сау булыйк!..

Кызыклы яңалыкларны күзәтеп бару өчен безнең МАХ каналына кушылыгыз.

Язмага реакция белдерегез

Реакция язылган инде

Комментарийлар

Без имени

12

0

Исэн САУ була курегез. Сезнен жырларыгызны БИК яратам. Саулыктан аермасын.

Без имени

18

4

И балакаем исэн сау була кур.бу синен гыйбрэт оченгенэ булсын.э Ирен БИК куркак эгоист кеше булган.улда узенекен алыр.авыр вакытта ташлаган

Без имени

25

0

Хэерле кон булсын Илаһи. Ирлэргэ ышанма,иделгэ таянма.Халык эйткэн гыйбэрэ,беркайчан да дорес булмаганы юк. Аллаһ Тәгалә олы сынау биргэн хэм шуна каршы торырлык кечен дэ.бар авыру нервлардан,конлэшеп нервларыгызны какшатып булэк итуче дэ шул.Зинһар чын кеше булган ир-атлар кичерсен.Аларның да артык мэрхэмэтле,артык яхшылары очрый,тик андыйларның кадерен белмэуче явыз хатыннар элэктереп ала,бик куплэрдэн узгач. Сезнен иман нуры балкыган,шул ук вакытта монсу карашыгызны кургэч,укымыйча булдыра алмадым. Бэрэкэтле матур гомер телэп калам.