Гөлназ Асаева: “Ирем каршы”

Җырчы сорауларга, кыска, әмма бик төгәл җаваплар кайтарган.

- Яңа җыр кайчан чыгачак?
- Яңа җырлар өстендә эшлибез. Җыр чыгарам дип, сан артыннан кумыйм.

- Төркемегездә яңа кешеләр бармы?
- Әйе, төркемгә биючеләр һәм баянчы өстәлде. Ниһаять, бу сезонда баянга кушылып җырлый алачакмын.

- Хыянәтне кичерә аласызмы?
- Кичерер идем, дөнья бит бу. Әмма ул кеше белән бергә гомер итә алмасмын, ахры. Башка кияүгә дә чыкмас идем, бәлки.

- Ирегез белән гаилә бюджеты уртакмы?
- Төрлечә була.

- Ни өчен үзегезнең тәнегездән ояласыз? Ялда булсагыз да, купальниктан төшкән фотолар аз.
- Ирем каршы.