Гүзәл Уразованың кызы «Балалы солянка»да нигә җырламаган?

Узган ялда "Балалы солянка" концертында Гүзәл Уразова сәхнәгә кызлары белән чыкты. Концертка ике кызы да ныклап әзерләнгән иде. Бу турыда без җырчыларның социаль челтәрдәге битләреннән күреп белдек.

Әмма Гүзәл ханым олы кызы Эллария белән генә чыгыш ясады. Кечкенә кызлары Камилә әнисе белән апасының җырлавына гына кушылып торды. Соңыннан Гүзәл Уразова серне ачты:

- Без бик нык әзерләнгән идек. Әмма Камилә безнең шундый бала: юк дисә, берни эшли алмыйбыз. Холкы бар. "Чыгып басып торам", - диде, шуңа риза булып, артыннан ияреп чыктык.

Гүзәл Уразова "Балҗимеш" җырын башкарганда залдагы барлык балаларны үз янына җыйды.

Илдар Хәкимов белән Гүзәл Уразованың 12 ел көткән уллары - Самирга 31 гыйнвар көнне 5 ай булган.