Илсур Сафин Ризат Рамазановка шелтә белдерде

Ризат белән Зинира икесе дә Казан дәүләт мәдәният институтында Татарстанның халык артисты Илсур Сафин канаты астында белем алган. Концертка Илсур әфәнде дә чакырулы иде. Ул сәхнәгә менгәч, уены-чыны белән бергә Ризатка шелтә белдерде, чөнки Ризат Салават Фәтхетдиновта укуы турында да әйткән иде.

“Рафил Җәләлиев та, син – Ризат Рамазанов та дүрт ел буе вокал буенча миндә укыдыгыз. Распевкалар, сулышларны, баш, күкрәк резонаторларын миннән белдегез. Шуңа күрә сез башта мине, аннары Салават Зәкиевичны әйтергә тиеш”, - диде мыек астыннан елмаеп Илсур Сафин. Ул Ризат белән Зинираны зурлап килгән тамашачыга рәхмәтен белдерде. “Мондый итәгатьле концертка килгәнсез икән, димәк, сездә бик зур культура”, - диде остаз.