#Шоу-бизнес 14 апрель 2022, 15:01

Рифат Фәттахов: "Мин йолдызлар кабызырга әзер, ләкин..."

14 апрель 2022, 15:01

Р.Ваһапов фонды җитәкчесе Рифат Фәттахов киләчәктә яшь җырчыларның продюсеры булып эшләячәкме? Бу сорауга ул җавап бирде.

Скопировать ссылку

Рифат Фәттахов: "Мин йолдызлар кабызырга әзер, ләкин..."

“Әйе, әлбәттә! Ләкин берничә шарт белән. Беренчедән, әлеге егет яки кыз иҗат күзлегеннән миндә кызыксыну уятырга тиеш. Аларның эшләргә, үсәргә теләге, зур амбицияләре булуы мөһим. Икенчедән, бөтен чыгымнарны (җырны таныту чыгымнарын, минем һәм командамның эш хакын) башкаручы үзе каплаячак. Ул түләүченең әни, әти, абый, туган, сөяркә, яки иганәче, коммерция компаниясе, дәүләт оешмасы – кем булуы мөһим түгел.

Мин йолдызлар кабызырга әзер! Ләкин, гафу итегез, банкет сезнең хисапка. Продюсер буларак хезмәтем кирәк икән, ул түләү нигезендә генә башкарылачак. Кем өчендер акча түләргә (ә ул күп кирәк булачак), кемнәндер сорарга, эзләргә җыенмыйм. Ә менә эре музыкаль проектлар белән рәхәтләнеп һәм теләп шөгыльләнәчәкмен. Барысы да яхшы булыр дип өметләнәм, Аллаһы боерса”, - диде Рифат Фәттахов.

Кызыклы яңалыкларны күзәтеп бару өчен безнең МАХ каналына кушылыгыз.