Сиринә Зәйнетдинова: «Кичә очып йөрдем, бүген гипс белән дус»

Җырчы аягын имгәткән.
– Кадерлеләрем, тормыш әле уң яктан бәрә, әле сул яктан бәрә... Кичә сәхнәдә очып йөргән мин, буген-гипс белән «дус». Юк, сынмады, шөкер. Бик каты тартылу гына. Ләкин табиблар аякны сакларга кушты һәм гипс салдылар. Бер мизгел, бер уңайсыз хәрәкәт һәм тормышым «стоп» төймәсенә басылды. 
Башта шок хәлендә калдым, аннан уйланулар... Ләкин рухым сынмады.
Мин беләм: бу — вакытлыча. Бу — ял. Бу — яңадан, тагын да зуррак көчләр белән кайту өчен бераз туктап хәл алу гына.
Сәхнә мине көтә, ә мин әзерләнәм. Борчылмагыз, барысы да яхшы була. Үзегезне саклагыз, зинһар. Сәламәтлек — иң зур байлык, - дип язган Сиринә.