Әтиебез үлгәннән соң пенсия биреләме?

Укучыбыздан килгән сорауга адвокат Марат Гайнуллин ачыклык кертә: 
— Әйе, була. Әтиегез исән чакта исәпләнгән, ләкин алып өлгермәгән пенсияне аның якыннары алырга хокуклы.

Пенсияне кем алырга хокуклы?
Үлгән пенсионерның соңгы ае өчен пенсияне түбәндәгеләр ала ала:
* эшкә сәләтсез гаилә әгъзалары;
* пенсионер исән чакта аның белән бергә яшәгән туганнары.

 Кая мөрәҗәгать итәргә?
* Россия Социаль фондына
* яки Күпфункциональ үзәккә (МФЦ)
Моны пенсионер үлгәннән соң 6 ай эчендә эшләргә кирәк.

 Нинди документлар кирәк?
1. Мөрәҗәгать итүченең паспорты
2. Үлем турында таныклык
3. Мәрхүмнең СНИЛСы
4. Бергә яшәүне раслаучы документ
5. Туганлыкны раслаучы таныклык (никах, туу һ.б.)
6. Банк счеты реквизитлары

 Пенсиянең тупланма өлеше турында

Пенсия ике төрле була:
* гадәти (иминият) пенсия — соңгы ай өчен генә бирелә;
* тупланма пенсия — ул мираска керә.
Тупланма пенсияне дә 6 ай эчендә сорарга кирәк.
Ләкин акча турында карар 6 айдан соң гына чыгарыла.

 Кемнәр мирас буенча тупланма пенсияне ала?

1. Беренче чиратта:
   * балалары,
   * ире яки хатыны,
   * әти-әнисе.
2. Алар булмаса, апа-абыйлары, оныклары.
3. Әгәр васыятьнамә булса — анда күрсәтелгән кеше алырга хокуклы.

Әгәр 6 ай эчендә мөрәҗәгать итмәсәләр?
* Пенсия мирас составына керә.
* Ә срогын уздырсалар, суд аша кире кайтарырга мөмкин, ләкин җитди сәбәп кирәк.

 Мөһим кисәтү
Пенсионерның үлгәнен яшерергә тырышу хәерле түгел. Үлгән кешенең пенсияләрен алып барган туганы әлеге кагыйдә бозу ачыкланган очракта барлык акчаны кире кайтарырга тиеш булачак.

Лилия Гайнуллина әзерләде