#Сорау-җавап 13 март 2021, 14:50

Магнитлы рамка кычкырса нишләргә?

13 март 2021, 14:50

Бер көнне кибеттән чыгып барганда магнитлы рамка кычкырып җибәрде. Бернәрсә дә урламадым, бөтен товар өчен түләдем. Ләкин мине сакчылар килеп тикшерә башлады, сорау алдылар, сумкамны ачтырып карадылар. Кибеттә танышларым да бар иде, уңайсыз хәлдә калдым. Болай эшләү законлымы? Яшел Үзәннән газета укучыгыз.

Скопировать ссылку

Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге җитәкчесе Марсель Шаһидуллин:
– Канун нигезендә, сакчының сезнең документларны карарга хакы бар. Әмма, Гражданнар кодексы нигезендә, сакчы сезгә кагыла, шәхси тикшерү уздыра алмый. Моны бары полиция хезмәткәрләре генә эшли ала. Кайчакта, магнитлы рамка артык сизгер була, кычкырса, әгәр намусыгыз чиста икән, полиция килгәнне көтәргә мөмкин. Әгәр инде ашыгасыз икән, барысын да сакчы белән хәл итсәгез яхшырак.

Фото: https://www.tatar-inform.ru/

Кызыклы яңалыкларны күзәтеп бару өчен Т елеграмга кушылыгыз.

#МАГНИТ #магазин #тЦ