#Сорау-җавап 11 ноябрь 2019, 07:58

Мәчеләрне кайда өйрәнәчәкләр?

11 ноябрь 2019, 07:58

Татарстанда сирәк очрый торган песиләрне өйрәнү үзәге ачыла дип ишеткән идем. Ул кайда булачак? Мондый үзәкләр Россиядә тагын бар микән? Бу мәгълүмат миңа фәнни эш өчен кирәк иде. Радмир Фатыйхов, Казан.

Скопировать ссылку

Республиканың Экология һәм табигый ресурслар министрлыгы сайтында хәбәр ителгәнчә, чынлап та, Татарстанда сирәк төр мәчеләрне өйрәнә торган үзәк төзергә җыеналар. Үзәк Кама Тамагы районы тирәсендә булыр дип көтелә. Әлегә төзелеш өчен урынны карыйлар. Үзәк төзелешен Татарстан Президенты да хуплаган. Татарстанда сирәк очрый торган мәче төрләре өйрәнеләчәк. Алар арасында дала мәчеләре, кавказ урман мәчесе, шул исәптән ак барс та бар. Бу үзәк Россиядә бердәнбер булыр дип көтелә. Берара Лаешта ак барсларны үрчетү үзәге булдырырга теләгәннәр иде, әмма бу идея чынга ашмады.

Кызыклы яңалыкларны күзәтеп бару өчен Т елеграмга кушылыгыз.