#Сорау-җавап 10 декабрь 2019, 13:18

Пенсия фондын ник алыштырып булмый?

10 декабрь 2019, 13:18

Пенсиямнең тупланма өлеше дәүләтнеке булмаган пенсия фондында саклана. Фондны алыштырырга теләгән идем. Күп функцияле үзәккә гариза тапшырырга баргач, кабул итмәделәр. Дәүләтнеке булмаган пенсия фонды да гариза кабул итмибез, ди. Мин хәзер пенсиямнең туплана өлешен башка фондка алыштыра алмыйм мени?

Скопировать ссылку

Казаннан Фәридә Хәсәншина әнә шундый сорау белән мөрәҗәгать итте.

Беренчедән, пенсия белгечләре, тупланма өлеш саклана торган пенсия фондын биш елдан да ешрак алыштырырга киңәш итми. Бу очракта инвестиция керемен югалту ихтималы зур. Икенчедән, фондны алыштырырга теләүчеләр бары 1 декабрьгә кадәр генә гариза тапшыра алды. Өченчедән, Татарстан Пенсия фонды идарәчесе Эдуард Вафин аңлатуынча, дәүләтнеке булмаган пенсия фондында, күпфункцияле үзәкләрдә дә мондый гаризалар чынлап та хәзер кабул ителми.

Пенсиясенең тупланма өлешен бер фондтан икенчесенә күчерергә теләгән кеше моны Пенсия фондының клиент хезмәте яки дәүләт хезмәтләре порталы аша эшли ала.

Фото: sntat.ru

Кызыклы яңалыкларны күзәтеп бару өчен безнең МАХ каналына кушылыгыз.