Пассажир ташучылар аптырашта: автобуста QR - кодларны кем тикшерер?

Темляков сүзләренчә, Татарстан транспорт министрлыгы җитәкчелеге пассажир ташучылар белән дә, ассоциация белән дә бу яңалык турында фикер алышмаган. Шул рәвешле, пассажир ташучылар республика хөкүмәтенең QR-код системасы кертелү турында язылган кагыйдәләргә бәйле карарларны  көтә.
«Җәмәгать транспортында QR-кодлар кертүгә чаклы тагын ике атна бар, пассажир ташучыларга түгәрәк өстәл артында барлык нечкәлекләр турында фикер алышырга мөмкин булыр әле», - дип өметләнә Темляков Татарстан АТП Ассоциациясенең социаль челтәрдәге сәхифәсендә.

Ассоциация рәисе пассажир ташучыларны кызыксындырган сорауларның барысын алты пунктта бәян иткән:
1. Документта QR - кодларны кем һәм ничек тикшерәчәк?
2. Пассажирдан паспорт таләп ителәчәкме, ягъни QR-код иясе нәкъ менә шушы пассажирныкы булуын ничек ачыкларга?
3. QR-кодларны тикшерүне полиция хезмәткәрләре башкарырга тиеш.
4. Әгәр QR-кодларны тикшерү  тукталышларда башкарылса, бу билгеле бер вакытны алачак. Димәк, автобусларның расписаниесен үзгәртергә кирәк булачак.
5. QR-кодлар кертелү һәм 60 яшьтән өлкәнрәк затларга транспорт карталарын блоклау сәбәпле, пассажирлар агымы кимиячәк. Димәк, Хөкүмәттән әлеге вакытка ярдәм кирәк булачак.
6. QR-коды булмаган пассажирларга нишләргә?
Шунысы төгәл ачык: ике атнадан автобуста QR-кодсыз йөререгә ярамаячак...